CORLEONE 6

E shtunë 7 Janar, ora 23:35

Episodi 6 (1988-1993) Ndërsa Biaxho po merr veten nga atentati, Rina vazhdon luftën e tij ndaj institucioneve, e cila arrin kulmin me vdekjen e Falkones dhe Borselinos. Kreu i Mafies shkon aq larg sa t’i dërgojë Shtetit, nëpërmjet Cianciminos, kushtet e tij për të ndaluar masakrat. Në fakt, Korleonezët nuk janë më një familje e bashkuar. Nga ana tjetër Binui shfaq dyshimet e tij rreth luftës kundër Shtetit. Menjëherë më pas, kapiteni Ultimo arreston Totonë tashmë të moshuar. Ardhja e Biaxhos, i thirrur për ta identifikuar, edhe një herë do të jetë vendimtare ...

CORLEONE 5

E enjte 5 Janar, ora 23:35

Episodi 5 (1982-1987) Rina tashmë është kryetar i padiskutueshëm i Koza Nostras, në grupin e tij bëjnë pjesë vetëm njerëzit e tij më të besuar: Mikele Greko, Bruska, Di Maio dhe natyrisht Binu Provenzano. Toto, i pavëmendshëm ndaj thirrjeve për vetëpërmbajtje që i bën Binui, shfaros me egërsi çdo kundërshtar. Kur Apuco, një nga bosët e vjetër, kontakton Busketën, i shqetësuar sesi kanë rrjedhur ngjarjet, Toto Rina e eliminon dhe zhduk edhe familjen e Busketës, duke i shkrirë trupat e tyre në acid. Ndërkohë Biaxho takon Manganon, tashmë në pension, i cili e lidh me gjykatësit Falkone dhe Borselino, që kanë ndërtuar një rrjet të fortë antimafia.

CORLEONE 4

E martë 3 Janar, ora 23:35

Episodi 4 (1979-1981) Në Palermon e viteve ‘80 biznesi i ri fitimprurës i mafias është tregtia e drogës, që bosët importojnë nga Tajlanda, e përpunojnë dhe pastaj e dërgojnë në formën e heroinës për "të afërmit" e tyre në Amerikë. Korleonezët, të cilët nuk kanë kontakte në SHBA janë të detyruar të mbështeten te bosët e Palermos për të marrë një pjesë të fitimeve. Ky nënshtrim nuk i shkon për shtat Toto Rinës dhe ankthi i tij nuk do t’u shpëtojë bosëve të mafias, Bontade dhe Inzerilo, të cilët nuk janë të kënaqur dhe e qortojnë Masino Busketën që e ka futur Totonë në grupin e tyre. Rina, i cili tashmë ka mbushur me para dhe dhurata gjithë anëtarët e familjeve mafioze të provincës, është gati për luftë.

CORLEONE 3

E hënë 2 Janar, ora 23:55

Episodi 3 (1969-1978) Në dhjetor të vitit '69 në Palermo, Toto, Binui dhe Kaloxhero, të maskuar si policë, depërtojnë në ndërmarrjen e bosit Kavatajo, një bos mafioz rival, për ta vrarë. Kaloxhero vritet në këtë sulm dhe Toto me Binuin e varrosin fshehurazi në Korleone. Komisari i ri Boris Xhuliano heton me Manganon mbi vrasjen dhe kupton se nga skena e krimit është zhdukur një kufomë. Biaxho është ai që ndërkohë që ka pranuar transferimin në Palermo, kupton se bëhet fjalë për Kalon, por është e pamundur ta provojë këtë gjë pasi Toto Rina vret dëshmitarët e mundshëm.